One Ocean Expedition

Utrusta Statsraaden til forskingsskip

I nesten to år har Statsraad Lehmkuhl segla jorda rundt i forskinga si teneste, og gitt både minner for livet og uvurderleg kunnskap om havet.

Av Torhild Dahl

Kommunikasjonsrådgiver

Publisert: Invalid Date

Oppdatert: Invalid Date

Etter å ha kryssa dei sju hav fortøyer Statsraad Lehmkuhl no i Bergen. Den stolte gamle skuta har lagt bak seg 55 000 nautiske mil og besøkt 36 hamner kloden rundt under ei nesten to år lang jordomsegling.

Sentralt for livet på jorda

Havet er heilt sentralt for livet på jorda, og vi treng å vite meir om det. Forsuring, overfiske, forsøpling, mikroplast, tap av biodiversitet og klimaendringar,- havet er truga frå mange hald.

Samtidig står havet for løysingar som kan gi mat til ei veksande befolkning, gi fornybar energi, lagre karbon og gi berekraftige arbeidsplassar.

Målet med One Ocean Expedition har vore å skape merksemd om havet og dele kunnskap om kor viktig havet er for ei berekraftig framtid.

Moderne utstyr på gamal skute

Gjennom stiftinga Agenda Vestlandet utrusta Sparebanken Vest den gamle seglskuta med mykje av utstyret som gjorde skipet om til eit opplærings- og forskingsskip, og vi støtta studentar om bord.

Kunnskap er nøkkelen for å finne løysingane for framtida.