Nasjonalparksenteret skal vera ein formidlar av kunnskap om natur og kultur og eit fyrtårn når det gjeld utvikling av det naturbaserte reiselivet i Sunnhordland og Hardanger-regionen. Her vil ein og kunne søke kunnskap om dei menneskeskapte klimaendringane.

- Sparebanken Vest ønskjer å vera ei drivkraft for utvikling i nærings- og samfunnsliv på Vestlandet. Våre midlar til nasjonalparksenteret i Rosendal passer godt inn i dette. Vi er opptekne av reiselivet. Klima er eit av dei store satsingsområda våre, seier banksjef Harald Queseth i Visjon Vest.

Knut Førland, som er ansvarleg for å få inn privat kapital til Nye Folgefonna Nasjonalpark- og Informasjonssenter, er svært glad for støtta frå Sparebanken Vest.

- Det at ein stor sparebank går inn som samarbeidspartnar i dette framtidsretta regionale prosjektet, gir inspirasjon til å halda fram arbeidet med å få det realisert. Sparebanken Vest vert den tredje private samarbeidspartnaren i prosjektet. Dei to andre er hovudsamarbeidspartnaren Sunnhordland Kraftlag og ein privat investor i Bergen, seier han.

Førland tilføyer at med desse aktørane på plass er no ca. 4 millionar kroner i privat kapital komen inn, og ein nærmar seg såleis målet på 6,5 millionar kroner.


Kontaktpersonar:
Harald Queseth tlf. 92 65 89 00
Knut Førland tlf. 91 84 10 01